പെണ്ണുകാണൽ

🤣🤣🤣

പെണ്ണുകാണൽ കഴിഞ്ഞ് വണ്ടി തിരിച്ച് വീട്ടിലെത്തും മുമ്പ് പെണ്ണിന്റെ തീരുമാനമറിഞ്ഞു. ചെക്കനെ വിവാഹം കഴിക്കാൻ ഇഷ്ടമില്ലത്രെ.

എല്ലാരും ഞെട്ടി.നേരത്തെ ഇഷ്ടപ്പെട്ടവരായിരുന്നല്ലോ.

ചെറുക്കനോട് കൂട്ടുകാർ ചോദിച്ചു:

''രണ്ടു മിനുട്ട് ഒറ്റയ്ക്കു സംസാരിച്ചപ്പോഴേക്കും അവൾക്കു നിന്നെ വേണ്ടെന്നു തോന്നാൻ മാത്രം നീ എന്തു വർത്തമാനമാ പറഞ്ഞത് ? "

ഹരി:" ഞാൻ ഒന്നും സംസാരിച്ചില്ല "

കൂട്ടുകാർ: ''ശരിക്കൊന്നോർത്തേ, എന്തെങ്കിലും മോശമായി നോക്കുകയോ മറ്റോ..? ''

ഹരി: '''ഇല്ലെന്നേ. റൂമിൽ അവടച്ഛന്റെ ഫോട്ടോയുണ്ടായിരുന്നു- യൂണിഫോമിൽ .

അച്ഛൻ പട്ടാളത്തിലായിരുന്നോ എന്നു വെറുതെ ഒന്നു ചോദിച്ചു ,വേറെ സംസാരമൊന്നും ഉണ്ടായിട്ടില്ല''

കൂട്ടുകാർക്ക് ഒന്നും പിടികിട്ടിയില്ല.

 ഇതേ സമയം പെൺ വീട്ടിൽ ,പെൺകുട്ടിയോടു സംസാരിക്കുകയായിരുന്നു അവളുടെ അമ്മയും സഹോദരനും. 

സഹോദരൻ: ''നീയെന്താ അവനെ വേണ്ടെന്നു പറഞ്ഞത്. അവൻ എന്താ നിന്നോടു സംസാരിച്ചത് ?''

പെൺകുട്ടി: '' എന്തു സംസാരിക്കാൻ ? സുഭാഷ് ചന്ദ്ര ബോസിന്റെ പടം കണ്ടാൽ മനസിലാവാത്ത പൊട്ടനെ എനിക്കു വേണ്ട .''